• अर्थ सरोकार सम्बाददाता 

काठमाडौं । सानिमा बैंक लिमिटेडको ४ अर्ब रुपैयाँ बराबरको ४० लाख इकाई ऋणपत्र बाँडफाँट भएको छ । बैंकको ऋणपत्र बिक्री प्रबन्धक एनआइसी एसिया क्यापिटलको कार्यालयमा पुस २१ गते बाँडफाँट गरिएको हो । बाँडफाँटको सम्पूर्ण डिटेल मेरो सेयरबाट हेर्न सकिनेछ । सानिमाले पुस १ गतेबाट १५ गतेसम्म उक्त इकाई ऋणपत्र जारी गरेको थियो । 

बैंकले २४ लाख इकाई ऋणपत्र आफ्नै पहलमा अन्य संघसंस्थालाई र बाँकी १६ लाख इकाई सर्वसाधारणका लागि खुला गरिएको थियो । यसबाट सामूहिक लगानी कोषलाई ५% अर्थात् ८० हजार इकाई छुट्याएको थियो । यस ऋणपत्रमा वार्षिक ८.५०% ब्याजदर दिइनेछ भने १० वर्ष अवधिको ‘८.५०% सानिमा डिबेन्चर २०८७’ नाममा ऋणपत्र जारी गरेको हो ।