• अर्थ सरोकार सम्बाददाता 

काठमाडौं । चालु आर्थिक वर्षको दोस्रो त्रैमासमा आरएमडीसी लघुवित्त वित्तीय संस्थाको नाफा २१.४९% ले घटेको छ । संस्थाले खुद नाफा ११ करोड ४७ लाख ४७ हजार रुपैयाँमा कायम भएको वित्तीय विवरण सार्वजनिक गरेको छ । गत वर्ष संस्थाले १४ करोड ६१ लाख ६६ हजार रुपैयाँ खुद नाफा कमाएको थियो । यस्तै संस्थाले पुस मसान्तसम्म आउँदा खुद ब्याज आम्दानी र सञ्चालन नाफा दुवै सूचकमा गिरावट आएको छ । 

जसकारण खुद नाफा प्रभावित भएको छ । खुद ब्याज आम्दानी १३.७८% ले घटेर २० करोड १२ लाख ४ हजार रुपैयाँमा सीमित भएको छ  सञ्चालन नाफा २०.३३% ले घटेर १८ करोड १९ लाख ५७ हजार रुपैयाँमा सीमित भएको छ ।  संस्थाको खराब कर्जा ०.०६% रहेको छ । रिजर्भ कोषमा १ अबर्ब ६३ करोड ६४ लाख ३८ हजार रुपैयाँ रहेको यस संस्थाको प्रतिसेयर आम्दानी २२ रुपैयाँ १९ पैसा वार्षिक र प्रतिसेयर नेटवर्थ २५८ रुपैयाँ २३ पैसा छ ।