- अर्थ सरोकार सम्बाददाता
काठमाडौँ । उदयपुर सिमेन्ट उद्योगको महाप्रबन्धकमा गोपी न्यौपाने नियुक्त भएका छन्। उनलाई उद्योग, वाणिज्य तथा आपूर्ति मन्त्रालय सिफारिसमा सोमबार बसेको मन्त्रीपरिषदको बैठकले महाप्रबन्धकमा नियुक्त गरेको हो । मन्त्रालयका सचिव चन्द्र कुमार घिमिरेको संयोजकत्वमा गठित सिफारिस समितिलेन्यौपाने सहित पूर्वसचिवहरु कृष्णहरि बास्कोटा, रामेश्वर खनाल, नारायण विडारीको नाम सिफारिस गरेको थियो ।
जसमा सरकारले न्यौपानेलाई नियुक्त गरेको हो । माछापुच्छ्रे बैंकका संचालक रहेका उनिसँग संचालक समितिमा लेखा संयोजक तथा जोखिम व्यवस्थापन समितिमा मुख्य जिम्मेवार भएर काम गरेको अनुभव छ । त्रिभुवन विश्वविद्यालयबाट व्यवस्थापनमा तथा पुर्वान्चल विश्वविद्यालयबाट कानुनमा स्नातकोत्तर उपाधि प्राप्त गरेका उनको उदयपुर सिमेन्टमा कार्यकाल ४ बर्षको रहनेछ ।
