- अर्थ सरोकार सम्बाददाता
काठमाडौँ । बारास्थित मालपोत कार्यालयका कार्यालय दुई कर्मचारी ६ लाख घुससहित पक्राउ परेका छन् । अख्तियार दुरुपयोग अनुसन्धान आयोगले ६ लाख घुससहित मालपोतका कार्यालय प्रमुख नायब सुब्बा मनोज कुमार खनाल र लेखापढी व्यवसायी बद्री प्रसाद बडाललाई पक्राउ गरेको हो ।
उनीहरुले ‘सेवाग्राहीले खरिद गर्न लागेको जग्गा श्रम विभागबाट रोक्का छ’ भनी सर्जमिन मुचुल्का गरी सिफारिस पठाई फुकुवा गर्ने प्रक्रिया मिलाई फास्ट ट्रयाकबाट पास गराईदिने सर्तमा घुस रकम माग गरेका थिए । सो सूचनाका आधारमा आयोगको टंगालबाट खटिई गएको टोलीले घुस लिइसकेको अवस्थामा जर्गा होटलबाट नियन्त्रणमा लिई अनुसन्धान अघि बढाइएको जनाएको छ ।
