• अर्थ सरोकार सम्बाददाता

काठमाडौँ । नेकपाको दाहाल-नेपाल समूहले पछिल्लो समय नेपाल बन्द लगायतका कार्यक्रम घोषणा गरेको छ । देशभर उक्त समूहले आन्दोलन चर्काएको पनि छ । रमाइलो कुरा त के छ भने, पछिल्लो समय माधव-प्रचण्डले आयोजना गरेको आन्दोलनमा बैंकको जागिर छोडेर आन्दोलनमा जाने व्यक्ति पनि भेटिएको छ ।

‘देश बने, जागिर त पाईहालिन्छ नि !’ बुधबार प्रचण्ड-माधव समूहको आन्दोलनमा भेटिएका ती कार्यकर्ताले भने, ‘बैंकको कर्मचारी भन्दा पहिला म यो देशको इमान्दार नेपाली हुँ । देश प्रतिगमनतिर गएको छ । यसको विरोध गर्नुपर्छ । जागिर भनेको त खाँदै गरौँला नि !’

उनले आफु नेपाल बन्दको कार्यक्रममा पनि सक्रिय भएर लाग्ने बताएका छन् ।

‘आन्दोलनमा जान भनेरै विदा मागें, बिदा दिएनन्, अनि जागिर नै छोडिदिएँ।’ उनले भने ।