- अर्थ सरोकार सम्बाददाता
काठमाडौं । एसियन लाइफ इन्स्योरेन्सले चालु आर्थिक वर्षको दोस्रो त्रैमासमा १७ करोड ६० लाख ५४ हजार रुपैयाँ खुद नाफा कमाएको छ । कम्पनीको यो नाफा गत वर्षको सोहि अवधिको तुलनामा ४५.०२% ले बढी हो । यस्तै कम्पनीको पुस मसान्तसम्म प्रतिसेयर आम्दानी (वार्षिक) १७ रुपैयाँ ५१ पैसा र प्रतिसेयर नेटवर्थ १३९ रुपैयाँ ८८ पैसा रहेको छ ।
खुद बिमा शुल्क आम्दानी पनि ३७.१९% ले बढेर पुस मसान्तसम्म ३ अर्ब १३ करोड ६२ लाख ७५ हजार रुपैयाँ पुगेको छ भने जीवन बिमा कोष १९ अर्ब ३१ करोड ७२ लाख रुपैयाँबाट बढेर २४ अर्ब ७१ करोड ३५ लाख रुपैयाँ पुगेको छ ।कम्पनीले पुसमसान्तसम्म महाविपत्ति कोषमा ७ करोड ८८ लाख रुपैयाँ छुट्याएको छ ।
