">
- अर्थ सरोकार मल्टिमिडिया ब्युरो
काठमाडौँ । काठमाडौँ महानगरपालिकाले खुलामञ्च भित्र बनाइएका संरचना हटाउन थालेको छ । खुलामञ्चमा वीर अस्पताल र दरबार हाइस्कूलको भवन पुननिर्माण गर्न निर्माण सामग्रीहरु र त्यहाँ काम गर्ने केही कामदारहरु अस्थाई रुपमा बस्दै आएका थिए । दुवै भवन निर्माण सम्पन्न भएपनि निर्माणकर्ताले निर्माण सामग्री र कामदार हटाएको थिएन । काठमाडौँ महानगरले खुलामञ्च भित्र भएको अतिक्रमण रोक्न नसकेको आरोप खेप्दै आएको थियो ।
आज बिहानबाट (बुधबार) महानगरले डोजर लगाएर त्यस भित्र रहेका घर टहरा साथै सबै संरचना भत्काउन थालेको छ । भत्काउने टोलीको संयोजन गरिरहनु भएका काठमाडौँ महानगरका नगर प्रहरी नायब उपरीक्षक दिनेश अर्यालले ३ दिन भित्र खुलामञ्च खाली गरिने बताउनुभयो। खुलामञ्च भित्र अहिले वीर अस्पताल बनाईरहेको चिनिया निर्माण कम्पनीको साइट कार्यालय र बसपार्क रहेको छ । हेर्नुहोस् भिडियो :
