• अर्थ सरोकार सम्बाददाता 

काठमाडौं । नेपाल उद्योग परिसंघ र भारतीय दुतावासका प्रतिनिधिबीच लगानी बिस्तार गर्ने उद्देश्यसहित आज बुधबार छलफल भएको छ । परिसंघको कार्यालय थापाथलीमा नेपाल भारतबीच व्यापार सहजीकरण र नेपालमा लगानी बिस्तार गर्ने उद्देश्यसहित परिसंघ र भारतीय दुतावासका प्रतिनिधिबीच छलफल भएको हो ।

सो छलफलमा परिसंघका अध्यक्ष सतिशकुमार मोरले भारतीय लगानीका उद्योगहरुको वर्तमान अवस्थाको बारेमा चर्चा गरेका थिए । उनले नेपालमा लगानी गरे राम्रो नाफा आर्जन गर्न सक्ने बताउँदै नेपालमा लगानी विस्तार गर्नको लागि आग्रह पनि गरेको थिए । यस्तै परिसंघले नेपाल भारतबीच देखिएको व्यापार घाटालाई कम गर्दै जानेलगायत सम्बन्धमासमेत चासो व्यक्त गरेको छ ।

दुतावासका प्रथम सेक्रेटरी अभिशेक उपाध्यायले पनि उक्त छलफलमा आफ्नो धारणा व्यक्त गरेका थिए । उनले कुनै पनि उत्पादनको स्ट्याण्डर्डमा दुबै देशबीचमा समस्या देखिने गरेकाले यसलाई कसरी सहजीकरण गर्न सकिन्छ त्यसतर्फ ध्यान दिने बताए । छलफलमा परिसंघको तर्फबाट उपाध्यक्षहरु क्रमशः अनुज अगरवाल, सुलभ अग्रवाल र बीरेन्द्रराज पाण्डेको उपस्थिति थियो ।