">
- अर्थ सरोकार सम्बाददाता
काठमाडौँ । नेपाल राष्ट्र बैंकले आगामी साता मौद्रिक नीतिको अर्धवार्षिक समीक्षा गर्ने तयारी गरेको छ । राष्ट्र बैंकले मौद्रिक नीतिको अर्धवार्षिक समीक्षामार्फत सेयर धितोमा कडाइ गर्ने बताइएको छ । यता पहिलो त्रैमासको समीक्षामार्फत नयाँ कुरा केहि नआएको र यो अर्धवाषिर्क समीक्षामा केहि नयाँ कुरा समेटिने अपेक्षामा सरोकारवालाहरु छन् ।
पछिल्लो समय बैंकले अन्य क्षेत्रमा भन्दा सेयर बजारमा कर्जा लगानी बढाउन थालेपछि राष्ट्र बैंकले कडाई गर्ने बुझिएको छ । यसो त पछिल्लो समय सेयर बजारले पनि दैनिक नयाँ रेकर्ड कायम गर्दै गर्दै गएको छ । सेयरमा बैंकको ऋण सीमालाई परिमार्जन गरेर ६० प्रतिशत तोक्ने तयारी भइरहेको बताइएको छ ।
