">
- अर्थ सरोकार सम्बाददाता
काठमाडौँ । प्रचण्ड माधव नेपाल समूहले गरेको आमहड्तालको रिपोर्टिङका लागि पुगेका माउण्टेन टेलिभिजनका पत्रकारमाथि प्रचण्ड माधव नेपाल समूहका कार्यकर्तामध्येका केहि अराजक तत्वहरुले हातपात गरेका छन् । ललितपुरस्थित सातदोबाटोमा रिर्पोटिङका लागि पुगेका साहमाथि नेता तथा कार्यकर्ताहरुले हातपात गरेका हुन् । सो घटनाप्रति माउण्टेन टेलिभिजनले घोर भत्सर्ना गरेको छ ।
पत्रकारमाथि हातपात गर्नेहरुलाई प्रचण्ड माधव नेपाल समूहकै अन्य नेता कार्यकर्ताले भने ‘जंगली कार्यकर्ता’को संज्ञा दिएका छन् । ‘हामीलाई बदनाम गराउने हाम्रै केहि जंगली नेता कार्यकर्ता छन् । उनीहरु रक्सी खाएर विहान आन्दोलनमा पुगेको जानकारी पाएका छौं भने यस विषयमा हाम्रोतर्फबाट पनि छानविन हुन्छ ।’ माधव प्रचण्ड समूहका एक नेताले भने, ‘पत्रकारमाथि हातपात गरिनु निन्दनीय काम हो ।’
