">
- अर्थ सरोकार सम्बाददाता
काठमाडौं । नागरिक लगानी कोषले चालु आर्थिक वर्षको दोस्रो त्रैमास ३२ करोड २५ लाख रुपैयाँ खुद नाफा कमाएको छ । कम्पनीको यो नाफा अघिल्लो वर्षको भन्दा ८.५४% धेरै हो । पुस मसान्तसम्ममा पनि कोषको ब्याज आम्दानी ५ करोड २५ लाख रुपैयाँबाट बढेर ७ करोड ६५ लाख रुपैयाँ कायम भएको छ ।
कम्पनीको प्रतिसेयर आम्दानी ३६ रुपैयाँ (वार्षिक) र प्रतिसेयर नेटवर्थ २४८ रुपैयाँ रहेको छ भने सेवा शुल्क तथा कमिसन आम्दानी बढेर ४८ करोड १९ लाख भएको छ । हाल कम्पनीको सेयर पुँजी १ अर्ब ६४ करोड रुपैयाँ पुगेको छ । पुस मसान्तसम्म कोषले मुद्दति निक्षेपमा १ खर्ब १ अर्ब रुपैयाँ राखेको छ भने संगठित संस्थाको सेयरमा १२ अर्ब ८३ करोड रुपैयाँ लगानी गरेको छ ।
