• अर्थ सरोकार सम्बाददाता

काठमाडौं । साताको कारोबारको पहिलो दिन आइतबार सेयर बजारले नयाँ रेर्कड कायम गरेको छ । आइतबार नेप्से ४८.७४ अंकले बढेर २५ सय २४ विन्दुमा पुगेको छ । नेप्से परिसूचक ४८.७४ अंकले बढ्दा करिब साढे १० अर्ब बराबरको कारोबार भएको छ । यो अहिलेसम्मकै उच्च कारोबार रकम हो ।

यस्तै २०२ कम्पनीको १० अर्ब ४४ करोड रुपैयाँभन्दा बढीको कारोबार भएको छ । १ करोड ७७ लाख ३६ हजारभन्दा बढी कित्ता सेयर खरिदबिक्री भएको छ । ३ दर्जनभन्दा बढी कम्पनीको भाउ ९ प्रतिशत भन्दा माथि वृद्धि भएको छ । खरिदबिक्री रकममा ५३ करोडभन्दा बढीसहित हिमालयन डिष्टिलरी अग्रस्थानमा छ । यसैगरीनेपाल लाइफ इन्सुरेन्स दोस्रो स्थानमा छ भने तेस्रो स्थानमा शिखर इन्सुरेन्स रहेको छ ।