- अर्थ सरोकार सम्बाददाता
काठमाडौं । साताको कारोबारको दास्रो दिन सोमबार नेप्से बढेको छ । नेप्से सूचक ३७.४८ अंकले बढेर २५६१.४७ विन्दुमा आइपुगेको छ । १० अर्ब ६१ करोड रुपैयाँभन्दा माथिको सेयर कारोबार भएको छ । २ सय ५ कम्पनीको २ करोड भन्दा बढी कित्ता सेयर खरिदबिक्री भएका छन् । कारोबार भएका १२ समूह मध्ये ५ समूह घटेका छन् अन्य ७ समूह बढेका छन् ।
वाणिज्य बैंक समूहको सूचक ६२.७२ अंकले बढेको छ । २ कम्पनीको भाउ ९ प्रतिशत भन्दा बढीले वृद्धि भएको छ । खरिदबिक्री रकममा प्रभु बैंक ५८ करोड रुपैयाँ भन्दा बढीको कारोबार गरी अग्रस्थानमा पुगेको छ । बजारमा उछाल आएका ट्रेडिङ समूह, जलविद्युत समूह, निर्जीवन बीमा समूह, उत्पादनमूलक समूह र लघुवित्त समूह भने घटेका छन् । सबैभन्दा बढी निर्जीवन बीमा समूह १३१.९२ अंकले घटेको छ । त्यसैगरी आज जीवन बीमा समूह सबैभन्दा बढी २११.३७ अंकले बढेको हो ।
