• अर्थ सरोकार सम्बाददाता

काठमाडौँ । साताको कारोबारको पहिलो दिन आइतबार सेयर बजार दोहोरो अंकले घटेको छ । नेप्से परिसूचक बिहिबारको तुलनामा ३३.३३ अंकले घटेर २४९३.५९ बिन्दुमा पुगेको छ । नेपाल स्टक एक्सचेन्ज (नेप्से) का अनुसार आज २०२ कम्पनीको १ करोड ४८ लाख ५१ हजार ५९२ कित्ता सेयर खरिद बिक्री हुँदा ६ अर्ब ९२ करोडमाथिको कारोबार भएको छ ।

आज सबैभन्दा बढी कारोबार नेको इन्स्योरेन्सको भएको छ । यस संस्थाको ५२ करोड ३३ लाखमाथिको कारोबार भएको छ । त्यसपछि कारोबार क्रमश: नेपाल बैंक र नेपाल दुरसंचार कम्पनीको भएको छ । आज ३ समूहबाहेकका अरु सबै समूह घटेका छन् । यस्तै आज सबैभन्दा धेरै निफ्राका लगानीकर्ताहरुले कमाएका छन् भने सपोर्ट लघुवित्तका लगानीकर्ताले सबैभन्दा धेरै गुमाएका छन् ।