• अर्थ सरोकार सम्बाददाता

काठमाडौं । भाउ बढेको १ महिना नबित्दै पुन: पेट्रोलियम पदार्थको मूल्य बढेको छ । नेपाल आयल निगमले बुधबार राती १२ बजेदेखि लागु हुनेगरी पेट्रोल, डिजेल र मट्टितेलको मूल्य २/२ रुपैयाँले बढाएको हो । योसँगै काठमाडौं उपत्यकामा पेट्रोल १ सय १२ रुपैयाँ र डिजेल तथा मट्टितेलको मूल्य ९५ रुपैयाँ पुगेको छ । यसैगरी खाना पकाउने ग्यासमा प्रतिसिलिण्डर २५ रुपैयाँ बढाएको निगमद्वारा जारी विज्ञप्तिमा उल्लेख छ । हवाई इन्धनको मूल्य भने यथावत राखिएको छ ।