">
- अर्थ सरोकार सम्बाददाता
काठमाडौं । चालु आर्थिक वर्षको दोस्रो त्रैमासमा रिलायन्स लाइफ इन्स्योरेन्सको खुद बिमा शुल्क ९२.०६% ले बढेर १ अर्ब १० करोड रुपैयाँ पुगेको छ । खुद नाफा पनि २४.३३% ले बढेर ५ करोड ७८ लाख रुपैयाँ पुगेको छ । गत वर्ष कम्पनीले ४ करोड ६५ लाख रुपैयाँ नाफा कमाएको थियो ।
सार्वजनिक वित्तीय विवरण अनुसार कम्पनीले जीवन बिमा कोष पनि ७७ करोड ५९ लाख रुपैयाँबाट बढाएर १ अर्ब ७९ करोड ९१ लाख रुपैयाँ पुर्याएको छ भने चुक्ता पुँजी २ अर्ब १० करोड रुपैयाँ रहेको छ । यस्तै जगेडा कोषमा १ अर्ब ७९ करोड रुपैयाँ छ । प्रतिसेयर आम्दानी ५ रुपैयाँ ५१ पैसा (वार्षिक) रहेको रिलायन्सको प्रतिसेयर नेटवर्थ ११० रुपैयाँ ५० पैसा छ ।
