• अर्थ सरोकार सम्बाददाता

काठमाडौं । चालु आर्थिक वर्षको दोस्रो त्रैमासमा स्वावलम्बन लघुवित्त वित्तीय संस्थाको खुद नाफा ३०.२३% ले घटेको छ । संस्थाले यो त्रैमासमा १८ करोड ४५ लाख २६ हजार रुपैयाँ मात्रै खुद नाफा कमाएको हो । संस्थाको खुद ब्याज आम्दानी पनि १.५८% ले घटेर ६३ करोड ५० लाख ३० हजार रुपैयाँमा आएको छ । जसकारण नाफामा असर परेको छ ।

यता पुस मसान्तसम्ममा सञ्चालन नाफा ३०.२३% ले घटेर २९ करोड २९ लाख १ हजार रुपैयाँमा सीमित भएको छ भने रिजर्भ कोषमा १ अर्ब ५३ करोड १८ लाख ४५ हजार रुपैयाँ जम्मा भएको छ । संस्थाको प्रतिसेयर आम्दानी ४६ रुपैयाँ ५७ पैसा र प्रतिसेयर नेटवर्थ २९३ रुपैयाँ ३२ पैसा रहेको छ भने खराब कर्जा १.३७% बाट बढेर ४.०२% पुगेको छ ।