- अर्थ सरोकार सम्बाददाता
काठमाडौं । विजय लघुवित्त वित्तीय संस्थाले दोस्रो त्रैमासको वित्तीय विवरण सार्वजनिक गरेको छ । कम्पनीले चालु आर्थिक वर्षको दोस्रो त्रैमासको वित्तीय विवरण सार्वजनिक गरेको हो । कम्पनीको दोस्रो त्रैमाससम्म आईपुग्दा खुद नाफा बढेको छ । कम्पनीको खुद नाफा २८.७४ प्रतिशतले बढेर ७ करोड २९ लाख १३ हजार रुपैयाँ पुगेको छ । अघिल्लो वर्ष यसै अवधिमा कम्पनीले ५ करोड ६६ लाख ३४ हजार रुपैयाँ नाफा आर्जन गरेको थियो ।
कम्पनीको खुद ब्याज आम्दानी र सञ्चालन नाफा पनि बढेको छ । अघिल्लो वर्ष १२ करोड ६३ लाख ६१ हजार रुपैयाँ खुद ब्याज आम्दानी गरेको कम्पनीले यस वर्ष १५ करोड ५४ लाख ३५ हजार रुपैयाँ खुद ब्याज आम्दानी गरेको छ । जुन अघिल्लो वर्षको तुलनामा यस वर्षको खुद ब्याज आम्दानी २३ प्रतिशतले बढी हो । यस्तै सञ्चालन नाफा ६.६६ प्रतिशतले बढेर ८ करोड ५५ लाख ५८ हजार रुपैयाँ पुगेको छ । अघिल्लो वर्ष संस्थाले ८ करोड २ लाख ११ हजार रुपैयाँ सञ्चालन नाफा कमाएको थियो ।
खराब कर्जा भने ०.५८ प्रतिशतले बढेर ३.२१ प्रतिशत पुगेको छ । अघिल्लो वर्ष २.६३ प्रतिशत खराब कर्जा रहेको कम्पनीको यस वर्ष ०.५८ प्रतिशतले बढेर ३.२१ प्रतिशत पुगेको छ । यसैगरी प्रतिसेयर आम्दानी ५४ रुपैयाँ ७० पैसा र प्रतिसेयर नेटवर्थ १४८ रुपैयाँ २१ पैसा रहेको छ । यस्तै कम्पनीको चुक्ता पुँजी २६ करोड ६५ लाख ९७ हजार रुपैयाँ छ भने जगेडा कोषमा १२ करोड ८५ लाख २३ हजार रुपैयाँ रहेको छ ।
