• अर्थ सरोकार सम्बाददाता 

काठमाडौं । महिला सहयात्रा लघुवित्त वित्तीय संस्था र सिर्जना फाइनान्सको लाभांश पाउन सेयरधनी बन्ने आज अन्तिम दिन रहेको छ । यी दुवै कम्पनीले वार्षिक साधारणसभा गर्नका लागि आइतबार बुक क्लोज गर्दैछन् । बिहीबार शिवरात्री र शुक्रबार र शनिबार बजार बन्द हुने भएकाले आज बुधबारसम्म कम्पनीको सेयर किन्नेले सो लाभांश पाउने छन् । 

सिजर्नाले साधारणसभा चैत १४ गते हुँदैछ भने गत वर्षको नाफाबाट १३.५९% बोनस सेयर र कर प्रयोजनार्थ ०.६८% नगद लाभांश वितरण गर्ने भएको हो । यस्तै महिला सहयात्राले चैत १८ गते वार्षिक साधारण सभा गर्दैछ । कम्पनीले १०% बोनस र कर तिर्न ०.५३% नगद गरी कुल १०.५३% लाभांश वितरण गर्ने प्रस्ताव पारित गर्नेछ ।