- अर्थ सरोकार सम्बाददाता
काठमाडौं । एनआइसी एसिया बैंकले आफ्नो स्वामित्वमा रहेको २ लाख २० हजार कित्ता संस्थापक सेयर आज मंगलबार देखि लिलामीमा बिक्री खुला गरेको छ । बैंकले आरएमडीसी लघुवित्त वित्तीय संस्थाको २ लाख २० हजार कित्ता संस्थापक सेयर आजदेखि लिलामीमा बिक्री खुला गरेको हो । यस लिलामीमा चैत २३ गतेसम्म बोलपत्र पेश गर्न सकिनेछ ।
यस्तै उक्त सेयरको न्यूनतम मूल्य प्रतिकित्ता ४३४ रुपैयाँ तोकिएको छ । लगानीकर्ताले सोही मूल्यलाई आधार मानेर बोलकबोल गर्नुपर्नेछ । लगानीकर्ताले लिलामीको बोलपत्र बिक्री प्रबन्धक एनआइसी एसिया क्यापिटल बबरमहल काठमाडौंमा बुझाउनुपर्नेछ ।
