• अर्थ सरोकार सम्बाददाता 

काठमाडौं । नेपाल बैंक लिमिटेडको विभिन्न पदमा आवेदन दिन अब पाँच दिन मात्र बाँकी रहेको छ । बैंकले सहायक प्रबन्धक, सिएतर्फ सहायक प्रबन्धक, आइटीतर्फ सहायक प्रबन्धक तथा प्रदेशहरू अन्तर्गत सहायकहरू गरी एक सय ९२ पदमा कर्मचारीको लागि आवेदन खुला गरेको थियो । बैंकले सार्वजनिक गरेको सूचना अनुसार तह ६ सहायक प्रबन्धक पदका लागि २१ वर्ष पूरा भई ३५ वर्ष ननाघेको हुनुपर्नेछ। यस्तै तह ४ सहायक र तह ३ कनिष्ठ सहायक पदका लागि १८ वर्ष पूरा भई ३५ वर्ष ननाघेको हुनुपर्ने सूचनामा उल्लेख छ । ईच्छुक तथा योग्यता पुगेकाले चैत १२ गतेसम्म अनलाइन दरखास्त पेश गर्न सकिनेछ ।