">
- अर्थ सरोकार सम्बाददाता
काठमाडौँ । बैकिङ्ग कसूर मुद्दाका फरार रहेका प्रतिवादी पक्राउ परेका छन् । सविता वैध्यको जाहेरीमा जिल्ला काठमाडौं साविक जितपुर गा.वि.स.वडा नं. परिवर्तित तार्केश्वर न.पा. वडा नं. ३ जितपुर फेदी घर भई हाल काठमाडौँ महानगपलिका वडा नं. १६ वस्ने वर्ष ५७ को विजय कुमार श्रेष्ठ लुकीछिपी बसिरहेको अवस्थामा आज पक्राउ परेका हुन् ।
श्रेष्ठले मिति २०७७/०३/१५ गते आफ्नो खातामा पर्याप्त मौज्दात रकम नभएको भन्ने जानी जानी झुक्यानमा पारी कुमारी बैंक लिमिटेड, शाखा कार्यालय गोंगबुमा रहेको निजको नामको खाताबाट भुक्तान हुने गरी चेक काटी वैध्यलाई दिएका थिए । त्यसपछि उच्च अदालत पाटनको २०७७/१०/०२ गतेको फैसलाले उनलाई तिन कैद र विगो बमोजिम नौ लाख पचास हजार जरिवाना हुने फैसला सुनाएको थियो । त्यसपछि उनि फरार भएका थिए ।
