- अर्थ सरोकार सम्बाददाता
काठमाडौं । बैंकिङ कसूर मुद्दा रहेका उपेन्द्र प्रसाद ढुंगाना पक्राउ परेका छन् । ढुंगाना मंगलबार धुम्बाराहीबाट पक्राउ परेका हुन् । उच्च अदालत पाटनको २०७७ माघ ५ गतेको फैसलाले उक्त मुद्दामा ढुंगानालाई १ महिना कैद र १ करोड ५० लाख लाख रूपैयाँ जरिवाना ठहर भएको सुनाएको थियो । त्यसपछि उनि फरार भएका थिए ।
उनलाई प्रहरीको केन्द्रीय अनुसन्धान ब्यूरोबाट खटिएको टोलीले लुकिछिपी बसेको अवस्थामा फेला पारी पक्राउ गरेको हो । उनले विसं २०७५ असार २ गते आफ्नो खातामा पर्याप्त मौज्दात रकम नभएको भन्ने जानी/जानी झुक्यानमा पारी राष्ट्रिय वाणिज्य बैंक टङ्गालको खाताबाट भुक्तान हुनेगरी चेक काटी पीडितलाई दिएकोमा बैंकिङ कसूरजन्य अपराध गरेको ठहर भएको थियो ।
