- अर्थ सरोकार सम्बाददाता
कैलाली । धनगढी उपमहानगरपालिकामा तास खेलिरहेका सात जना पक्राउ परेका छन् । धनगढी उपमहानगरपालिका ४ सहिद गेट नजिक डडेलधुरा रिमझिम होटलमा तास खेलिरहेको अवस्थामा उक्त होटलका संचालक भागेश्वर गाउँपालिका घर भएका ३५ वर्षीय पदम नाथलगायत ७ जनालाई सोमबार दिउँसो प्रहरीले पक्राउ गरेको हो ।
सूचनाको आधारमा वडा प्रहरी कार्यालय धनगढी समेतबाट खटिएको प्रहरीले उनीहरुलाई तास खेलिरहेको अवस्थामा नगद १ लाख ४८ हजार ९ सय ५० रुपैयाँ, ४ बुक तास र ९ थान मोबाईल सहित पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।
