">
- अर्थ सरोकार सम्बाददाता
तनहुँ । गणपति लघुवित्त वित्तीय संस्था लिमिटेडको चौंथो बार्षिक साधारणसभा सम्पन्न भएको छ । आज बिहान ११ बजे ह्वाइट हाउस पार्टि प्यालेस, शुक्लागण्डकी ४ दुलेगौडा तनहुँमा संचालक समितीका अध्यक्ष युवराज भण्डारीले उद्घाटन गरेको उक्त साधारण सभाले चुक्ता पुँजीको १५ प्रतिशतले हुने बोनश सेयर वितरण गर्ने लगाएत अन्य सम्पुर्ण प्रस्तावहरु सर्वसहमतीले पारित गरेको छ ।
सभामा अध्यक्ष युवराज भण्डारीले आफ्नो प्रतिवेदन प्रस्तुत गरेपछि पुर्व संचालक दिनेशलाल श्रेष्ठले संस्था स्थापनाको पृष्ठभूमी सहित महत्वपुर्ण मन्तव्य राखे । उनलाई यस वित्तीय संस्थाको संचालक समितीमा रहेर पु¥याउनु भएको योगदानको उच्च मूल्याङ्कन गर्दै अध्यक्ष युवराज भण्डारीले कदर पत्र सहित सम्मान गरे । संस्थाका प्रमुख कार्यकारी अधिकृत तथा कम्पनी सचिव अच्युत राज सापकोटाले सभाको औपचारीक कार्यक्रम संचलन गरे ।
वि.सं. २०७३ मंसिर २४ गतेबाट प्रथम कारोबार प्रारम्भ गरेको यस वित्तीय संस्थाले हाल १८ वटा जिल्लामा ३६ वटा शाखा कार्यालयहरु मार्फत ग्रामिण क्षेत्रका २६,३४६ सदस्यहरुलाई वित्तीय सेवा प्रदान गरीरहेको छ । यो अवधी सम्म जम्मा ३९ करोड ३० लाख बचत संकलन गरेको र १ अर्ब ५६ करोड कर्जा लगानी गरेको छ । यस बर्षको अन्तसम्म ४ वटा शाखा संचालनमा ल्याउने लक्ष्य रहेको छ ।
