- अर्थ सरोकार सम्बाददाता
काठमाडौं । काठमाडौं महानगरपालिका १४ कुलेश्वरबाट सुनका गहनासहित विभिन्न धनमाल चोरी भएको छ । कुलेश्वरमा डेरा गरी बस्ने ४६ वर्षीय श्रीराम गिरिको कोठाबाट नगद ९५ हजार रुपैयाँ र सुनका बिभिन्न गहनासमेत गरी करिब ३ लाख ३० हजार रुपैयाँ बराबरको धनमाल चोरी भएको छ ।
यस्तै भक्तपुर नगरपालिका १० कमलबिनायक भत्केको पाटी डेरा गरी बस्ने स्याङ्जा बिरुवा गाउँपालिका १ घर भएका शेर बहादुर कुवँरको कोठाको ताला फोडी ७ लाख रुपैयाँ बराबरको सुनका विभिन्न गहना बुधाबर साँझ चोरी भएको छ । साथै सुनसरीको देवानगंज गाउँपालिका-५ बस्ने जोधन यादबको घरबाट नगद १ लाख रुपैयाँ, १ तोला सुनको सिक्री तथा ३० तोला चाँदी बुधबार दिउँसो चोरी भएको छ ।
