- अर्थ सरोकार सम्बाददाता
काठमाडौं । ज्योति लाइफ इन्स्योरेन्स कम्पनी लिमिटेडको ६६ लाख कित्ता आईपीओ भर्ने मिति सरेको छ । मिति सरेसंगै अब कम्पनीको ६६ करोड रूपैयाँ बराबरको ६६ लाख कित्ता आईपीओ आगामी शुक्रबारबाटै भर्न पाइने भएको हो । यसअघि कम्पनीले फागुन २३ गते आइतबारबाट आईपीओ बिक्री खुला गर्ने जनाएको थियो ।
नियमित सेयर कारोबार खुल्ने दिनमा मेरो सेयरमा अधिक चाप पर्ने र त्यसले लगानीकर्तालाई ईडीआईएस गर्न समस्या हुने भएकाले शुक्रबारबाटै आईपीओ निष्कासन गर्न सीडीएससीले सुझाव दिएपछि मिति परिवर्तन भएको हो । १०० रुपैयाँ अंकित दरको सो आइपीओमा लगानीकर्ताले न्यूनतम १० कित्तादेखि ६६ हजार कित्तासम्मका लागि आवेदन दिन सक्नेछन् ।
