• अर्थ सरोकार सम्बाददाता

काठमाडौं । महुली लघुवित्त वित्तीय संस्थाले ८औं वार्षिक साधारणसभा चैत २५ गते बोलाएको छ । कम्पनीले सभा बिहान ११ बजे केन्द्रीय कार्यालय महुली सप्तरीमा बोलाएको हो । सभाले मर्जरपश्चात कायम भएको पूँजीको २० प्रतिशत बोनस शेयर र १ दशमलव शून्य ५ प्रतिशत नगद लाभांश वितरण गर्ने प्रस्ताव पारित गर्नेछ । यस्तै सभाले एफपीओ निष्कासन गर्ने प्रस्ताव पनि पारित गर्नेछ । साथै सभाले आव २०७६/ ७७ को वार्षिक प्रतिवेदन छलफल गरी पारित गर्नेछ । साधारणसभा र लाभांश वितरण प्रयोजनको लागि कम्पनीले चैत १० गते बुक क्लोज गर्नेछ । जसमा चैत ९ गतेसम्म कायम सेयरधनीले लाभांश पाउनेछन् ।