• अर्थ सरोकार सम्बाददाता 

काठमाडौं । मनकामना स्मार्ट लघुवित्त वित्तीय संस्थाले ३ करोड ८९ लाख रुपैयाँ बराबरको ३ लाख ८९ हजार कित्ता आइपीओ बिक्री गर्ने भएको छ । कम्पनीले आइपिओ निष्काशनका लागि नेपाल धितोपत्र बोर्डमा पनि आवेदन दिइसकेको छ ।

यता यो कम्पनीको आइपीओलाई इक्रा नेपालले आइआर “बीबी” माइनस अर्थात डबल बी माइनस रेटिङ दिएको छ । यसले कम्पनीको आधारभूत अवस्था मध्यम जोखिम रहेको संकेत गर्दछ । साथै यसले कम्पनीको वित्तीय दायित्व बहन गर्ने क्षमता औसत मध्यम जोखिम रहेको भन्ने पनि जनाउँछ ।