• अर्थ सरोकार सम्बाददाता 

काठमाडौं । मिथिला लघुवित्त वित्तीय संस्था र नेपाल इन्स्योरेन्सको लाभांश सुरक्षित गर्ने आज सोमबार अन्तिम दिन रहेको छ । मिथिलाले १२% बोनस सेयर र कर तिर्न ०.६३% नगद लाभांश वितरण गर्दैछ भने लाभांश तथा सभाका लागि संस्थाले चैत १७ गते बुक क्लोज गर्दैछ । 

जसअनुसार लाभांश पाउन आजसम्म सेयरधनी बनिसक्नुपर्नेछ । मिथिला लघुवित्तले चैत २९ गते वार्षिक साधारण सभा गर्ने भएको छ । सभा होटल राजदरबार एन्ड नवरंग रिसोर्ट, जनकपुर धनुसामा बिहान ११ बजे सुरु हुनेछ ।

यस्तै इन्स्योरेन्सले ८% बोनस सेयर र २% नगद लाभांश वितरण गर्दैछ । लाभांश तथा सभाका लागि संस्थाले चैत १७ गतेदेखि २७ गतेसम्म बुक क्लोज गर्दैछ । जसअनुसार लाभांश हात पार्न आजै सेयरधनी बनिसक्नुपर्नेछ । नेपाल इन्सुरेन्सले चैत २७ गते वार्षिक साधारण सभा गर्ने भएको छ । सभा एयरपोर्ट होटल सिनामंगलमा बिहान ११ बजेदेखि हुनेछ ।