- अर्थ सरोकार सम्बाददाता
काठमाडौं । नबिल बैंक लिमिटेडले ३ अर्ब रुपैयाँ बराबरको ३० लाख इकाई ऋणपत्र जारी गर्ने भएको छ । बैंकले प्रतिइकाई १ हजार रुपैयाँको दरमा सो परिमाणको ऋणपत्र बिक्री गर्न धितोपत्र बोर्डसँग अनुमति मागेको हो । ऋणपत्रमा बैंकले वार्षिक ८% ब्याजदर दिने जनाएको छ ।
कुल ३० लाख इकाई ऋणपत्रमध्ये १२ लाख इकाईमा सर्वसाधारणले आवेदन दिन पाउनेछन् भने १८ लाख इकाई बैंकले आफ्नै पहलमा अन्य संघसंस्थालाई बिक्री गर्नेछ । बैंकले ७ वर्ष अवधिको ‘८% नबिल बैंक डिबेन्चर २०८५’ नाममा ऋणपत्र जारी गर्न लागेको हो । यसमा बिक्री प्रबन्धकको काम हिमालयन क्यापिटलले गर्नेछ ।
