• अर्थ सरोकार सम्बाददाता

काठमाडौं । एनसीसी बैंकले संस्थापक सेयर बिक्री गर्ने भएको छ । बैंकले पाँच जना संस्थापक सेयरधनीहरुको नाममा रहेको ३६ हजार ७६२ कित्ता संस्थापक सेयर बिक्री गर्ने भएको हो ।

बैंकले राष्ट्र बैंकको निर्देशन अनुसार कम्पनीका सेयरधनीहरुलाई नै प्राथमिकता दिनुपर्ने भएकाले संस्थापक सेयर खरीद गर्न इच्छुक संस्थापकहरुले सूचना प्रकाशित भएको मितिले ३५ दिनभित्र आवश्यक कागजपत्र संकलन गरी निवेदन दिनुपर्नेछ ।

इच्छुक आवेदकले बागबजारस्थित सेयर शाखामा पुग्नेगरी निवेदन गर्न सक्नेछन् । ३५ दिनभित्रमा संस्थापक शेयरधनीबाट उल्लेखित सेयर खरीद गर्न कुनै प्रस्ताव नआएको अवस्थामा अन्य खरीदकर्तालाई उक्त संस्थापक शेयर बिक्री गर्ने पनि बैंकले जनाएको छ ।