- अर्थ सरोकार सम्बाददता
काठमाडौँ । बीमा कम्पनीहरुको नियामक निकाय बीमा समितीमा नयाँ अध्यक्षको आगमन भएसंगै बीमा कम्पनीहरुको निरिक्षणको दायरा बढाईएको छ । समितिका अध्यक्ष सूर्य प्रसाद सिलवालको निर्देशनमा समितिका निरिक्षण शाखा प्रमुख सुशिलदेव सुवेदीको नेतृत्वमा निरिक्षणका लागि टोलि बनेको छ । सोहि टोली निरिक्षणमा आक्रामक देखिन थालेको छ ।
सोहि क्रममा तथ्यांक लुकाएको उजुरीपछि समितिको टोलीले सिद्धार्थ इन्स्योरेन्स र नेको इन्स्योरेन्समा छड्के अनुगमन गरेको छ । यी दुई कम्पनीले आफ्नो तथ्यांक लुकाएको उजुरी परेको र समितिले जारी गरेका निर्देशन अनुसार नचलेको भेटिएपछि केही कागजात पनि नियन्त्रणमा लिइएको छ ।
टोलीले जानकारी नै नदिई अन्य कम्पनीहरुको निरिक्षण गरेको छ । समितिका कार्यकारी निर्देशक राजुरमण पौडेलका अनुसार एक महिनामा ६ वटा निरिक्षण गरिसकिएको छ । टोलिले कम्पनीको वित्तीय विवरण, सुशासन अण्डर राइटिङ, दाबी, पुनर्बीमा, खरिद प्रकृया, सम्पत्तीको सदुपयोग, सम्पत्ती शुद्धिकरणलगायतका सूचकहरुको अनुगमन गरिरहेको छ ।
