• अर्थ सरोकार सम्बाददाता 

काठमाडौं । आज मंगलबारदेखि नेपाल बैंक लिमिटेडले आफ्नो स्वामित्वमा रहेको नागरिक लगानी कोषको संस्थापक सेयर लिलामीमा बिक्री खुला गरेको छ । बैंकले कोषको ४ लाख ६८ हजार ८२८ हजार कित्ता संस्थापक सेयर लिलामीमा बिक्री खुला गरेको हो ।

लगानीकर्ताले सो सेयरमा न्यूनतम १५ सय २ रुपैयाँ ५० पैसा भाउ राखेर आवेदन दिन सक्नेछन् ।  यसमा चैत १७ गतेसम्म बोलपत्र पेश गर्न सकिनेछ । लगानीकर्ताले न्यूनतम १०० कित्ता अधिकतम सम्पूर्ण कित्ताका लागि आवेदन दिन सक्नेछन् । यसमा बिक्री प्रबन्धक एनआइबीएल एस क्यापिटल, लाजिम्पाट काठमाडौंबाट आवेदन दिन सकिनेछ ।