- अर्थ सरोकार सम्बाददाता
काठमाडौँ । नेपाल स्टक एक्सचेञ्ज (नेप्से) मा ३ कम्पनीको सेयर मूल्य समायोजन भएको छ । मिथिला लघुवित्त वित्तीय संस्था लिमिटेड, ग्रीन डेभलपमेन्ट बैंक र नेपाल इन्स्योरेन्स कम्पनीको बोनसमा मूल्य समायोजन गरिएको हो । मिथिला लघुवित्तको १२ प्रतिशत बोनसपछि नेप्सेले प्रतिकित्ता १ हजार ६४२ रूपैयाँ निर्धारण गरेको छ ।
सोमबार कारोबार भएको अन्तिम कारोबार मूल्य १ हजार ८३९ रुपैयाँका आधारमा नेप्सेले मूल्य समायोजन भएको हो । यस्तै ग्रीन डेभलपमेन्ट बैंकको ३.८० प्रतिशत बोनसपछि नेप्सेले प्रतिकित्ता १६९ रूपैयाँ निर्धारण गरेको छ । यस्तै नेपाल इन्स्योरेन्सको ८ प्रतिशत बोनसपछि ७८१ रूपैयाँमा शेयरमूल्य समायोजन भएको छ ।
