• अर्थ सरोकार सम्बाददाता 

काठमाडौं । आज शुक्रबारदेखि प्राइम कमर्सियल बैंकले ३ अर्ब ५० करोड रुपैयाँ बराबरको ऋणपत्र बिक्री खुला गरेको छ । बैंकले उक्त रकम बराबरको ३५ लाख इकाई ऋणपत्र वार्षिक ८.७५% ब्याजदर दिने गरि आजबाट बिक्री खुला गरेको हो ।३५ लाख इकाई ऋणपत्रमध्ये १४ लाख इकाईमा सर्वसाधारण लगानीकर्ताले आवेदन दिन सक्नेछन् भने २१ लाख इकाई अन्य संघसंस्थाको लागि छुट्याईएको छ ।

बैंकले ८ वर्ष अवधिको ऋणपत्र जारी गर्न लागेको हो । यसमा प्रतिइकाई १ हजार रुपैयाँ दरले न्यूनतम २५ इकाईदेखि अधिकतम ५ लाख इकाईसम्म आवेदन दिन सकिनेछ । लगानीकर्ताले सी–आस्वा सदस्य बैंक तथा वित्तीय संस्थाबाट आवेदन दिन सक्नेछन् भने मेरो सेयर एपबाट पनि आवेदन दिन सकिनेछ । बिक्री प्रबन्धकको आरबीबी मर्चेन्ट बैंकिंङले बिक्री प्रबन्धकको काम गर्नेछ ।