• अर्थ सरोकार सम्बाददाता 

काठमाडौं । सनराईज सामुहिक लगानी कोष अन्तर्गत संचालन हुने सनराईज ब्लुचिप फण्डको इकाई बाँडफाँड गरिएको छ । आज सनराईज क्यापिटलको कार्यालयमा सो फण्डको बाँडफाँड गरिएको हो । स्किमको प्रति इकाई १० रुपैयाँ अंकित दरको १० करोड इकाई (बिज पूँजी वापत कोष प्रवद्र्धक सनराइज बैंक लिमिटेडलाई छुट्टाइएको १ करोड ५० लाख इकाई सहित) चैत १ गतेदेखि ८ गतेसम्म बिक्री खुल्ला गर्दा सर्वसाधारण तर्फ १० रुपैयाँ अंकित दरको ८ करोड ५० लाख इकाई निष्काशन गरिएको थियो ।

उक्त निष्कासन अवधिमा सर्वसाधारण लगायत बैंक वित्तीय संस्था, इन्स्योरेन्स कम्पनीहरुबाट ५६ हजार ५८ जना आवेदकहरुबाट जम्मा १२ करोड ३७ लाख ६४ हजार ५ सय ४० इकाईका लागि आस्वा/सिआस्वा मार्फत आवेदन प्राप्त भएकोमा ५३ हजार १ सय ४४ जना आवेदकहरुबाट रितपूर्वक प्राप्त भएको ११ करोड ८६ लाख १९ हजार ८ सय ४० इकाईको लागि स्वीकृत भएको सनराइज क्यापिटलले जनाएको छ ।

सामूहिक लगानी कोष निर्देशिका, २०६९ तथा धितोपत्र निष्काशन तथा बाँडफाँड निर्देशिका, २०७४ बमोजिम १०० कित्ता इकाईदेखि ३० लाख इकाईसम्म माग गर्ने ५३ हजार १ सय ७९ जना आवेदकहरुलाई माग बमोजिम ५० लाख ईकाइ माग गर्ने ४ जना आवेदकहरुलाई ४६ लाख ५ हजार २६ इकाईको दरले र करोड माग गर्ने २ जना आवेदकहरुलाई ४६ हजार ५ सय २८ इकाईका दरले सर्वसाधारणहरुको १० करोड ६२ लाख ५० हजार इकाई बाँडफाँड गरेको सनराईज क्यापिटलले जनाएको छ ।