• अर्थ सरोकार सम्बाददाता 

काठमाडौं । उन्नति सहकार्य लघुवित्त वित्तीय संस्थाले एफपीओ निष्कासन गर्ने भएको छ । एफपीओ निष्कासनको प्रस्ताव पारित गर्न कम्पनीले चैत ३१ गते साधारण सभा बोलाएको छ । सभामा कम्पनीले १ करोड ३७ लाख २८ हजार रुपैयाँ बराबरको एफपीओ निष्कासन गर्ने एजेन्डा पेश गर्दैछ । 

कम्पनीको सभा होटल पौवा भैरहवामा बिहान १०.३० बजेबाट हुने भएको हो । यस्तै सभामा गत आर्थिक वर्षको नाफाबाट १७.८१% बोनस सेयर वितरण गर्ने एजेन्डा पनि छ । सञ्चालक समितिमा संस्थापक समूहबाट ४ जना र सर्वसाधारण समूहबाट २ जना सञ्चालकको निर्वाचन गर्ने प्रस्ताव पनि सभाले पारित गर्नेछ ।