• अर्थ सरोकार सम्बाददाता 

काठमाडौं । चालु आर्थिक वर्षको तेस्रो त्रैमासमा सिभिल बैंकको नाफा बढेको छ । बैंकको नाफामा ३९.३९% अर्थात ५० करोड २५ लाख ५५ हजार रुपैयाँको आकर्षक वृद्धि भएको हो । गत वर्षको सोहि अवधिमा बैंकले ३६ करोड ५ लाख ३३ हजार रुपैयाँ मात्रै खुद नाफा कमाएको थियो ।

सार्वजनिक वित्तीय विवरण अनुसार यस अवधिमा बैंकको प्रतिसेयर आम्दानी ५ रुपैयाँ ८१ पैसा र प्रतिसेयर नेटवर्थ १२३ रुपैयाँ ३ पैसा छ । यस्तै वितरण योग्य नाफा ३० करोड ७७ लाख ९५ हजार रुपैयाँ रहेको छ । बैंकको सञ्चालन नाफा पनि २६.४२% ले बढेर ६८ करोड १० लाख ६० हजार रुपैयाँ पुगेको छ ।

खराब कर्जा पनि १.८३% ले घटेर १.१३% मा आएको छ । यता बैंकको खुद ब्याज आम्दानी भने ९.८६% ले घटेर १ अर्ब ५४ करोड ३ लाख ८६ हजार रुपैयाँमा सीमित भएको छ । बैंकको चैत मसान्तसम्म निक्षेप संकलन ७१.०२% र कर्जा लगानी ५१.६६% ले बढेको छ ।