• अर्थ सरोकार सम्बाददाता

काठमाडौं । कृषि विकास बैंकले २ अर्ब ७ करोड ३० लाख रुपैयाँ खुद नाफा कमाएको छ । बैंकले चालु आर्थिक वर्षको चैत मसान्तसम्ममा १.३९ प्रतिशतले खुद नाफा बढाएको हो । यस्तै बैंकको खुद ब्याज आम्दानी १.५३ प्रतिशतले बढेको छ ।

वितरण योग्य नाफा भने १ अर्ब ४३ करोड १९ लाख रुपैयाँ रहेको छ । सार्वजनिक वित्तीय विवरण अनुसार बैंकको निष्क्रिय कर्जा ०.५७ प्रतिशतले घटेर ३.०८ प्रतिशतमा पुगेको छ । यस्तै रिजर्भ कोष ९.७९ प्रतिशतले घटेर १० अर्ब ११ करोड ९ लाख रुपैयाँ रहेको छ भने रिटेन्ड अर्निङ ७७.४२ प्रतिशतले बढेर ४ अर्ब ३ करोड रुपैयाँ पुगेको छ ।