• अर्थ सरोकार सम्बाददाता 

काठमाडौं । बैंकिङ कसूर मुद्दामा फरार रहेका एक जना पक्राउ परेका छन् । नेपाल प्रहरीको केन्द्रीय अनुसन्धान ब्यूरोको टोलीले सो मुद्दामा फरार रहेका खोटाङ रुपाकोट मझुवागढी नगरपालिका-१५ का बरुण ढकाललाई काठमाडौंको पेप्सीकोलाबाट पक्राउ गरेको हो । 

उनीविरुद्ध उच्च अदालत पाटनले बैंकिङ कसूर मुद्दामा गत पुस १५ गते ५ दिन कैद र ६१ लाख ५५ हजार रुपैयाँ जरिवानाको सजाय सुनाएको थियो । ढकालले मिति २०७५ चैत २० गते कुमारी बैंकमा रहेको आफ्नो खातामा पर्याप्त रकम नहुँदा पनि कमला कुमारी राईलाई ५६ लाख १५ हजार र कल्पना कुमारी राईलाई ५ लाख ४० हजार रुपैयाँको चेक दिएका थिए । 

उच्च अदालतले बैंकिङ कसूर तथा सजाय ऐन २०६४ को दफा ३(ग) बमोजिमको कसूरमा दफा १५ (१) अनुसार क्रमश: दिन कैद र ५६ लाख १५ हजार जरिवाना तथा २ दिन कैद र ५ लाख ४० हजार जरिवाना गरेको थियो ।