- अर्थ सरोकार सम्बाददता
काठमाडौं । सिभिल बैंकको कायम मुकाय प्रमुख कार्यकारी अधिकृत (कामु सीइओ)मा सुनिलकुमार पोखरेल नियुक्त भएका छन् । वैशाख ५ गते साँझ बसेको बैंक सञ्चालक समितिको बैठकले नायव प्रमुख कार्यकारी अधिकृत पोखरेललाई कामु सीइओमा नियुक्त गर्ने निर्णय गरेको हो ।
बैंकका प्रमुख कार्यकारी अधिकृत गोविन्द गुरुङ्गले राजीनामा दिएसँगै बैठकले कामु सीइओमा पोखरेललाई नियुक्त गरेको हो । यससँगै नवनियुक्त कामु सीइओ पोखरेलले वैशाख १८ गतेबाट आफ्नो कार्यभार सम्हाल्ने भएका छन् । उनले अर्को निर्णय नभएसम्मको लागि बैंकको कामु सीइओको पदभार सम्हाल्ने भएका छन् ।
