- अर्थ सरोकार सम्बाददाता
काठमाडौं । गरिमा बिकास बैंक लिमिटेडले खुद नाफा चालु आर्थिक वर्षको तेस्रो त्रैमाससम्म ३६.६३ प्रतिशतले बढाउन सफल भएको छ । बैंकले सार्वजनिक गरेको तेस्रो त्रैमास वित्तीय विवरणअनुसार समीक्षा अवधिसम्म बैंकले ६७ करोड ८२ लाख रुपैयाँ खुद नाफा आर्जन गरेको छ । गत वर्ष यही अवधिसम्म बैंकको खुद नाफा ४९ करोड ६४ लाख रुपैयाँ रहेको थियो ।
सार्वजनिक भएको वित्तीय विवरण अनुसार समीक्षा अवधिसम्म बैंकको सञ्चालन मुनाफा गत वर्षको तुलनामा ३६.९७ प्रतिशतले बढेको छ । समीक्षा अवधिमा बैंकको संचालन मुनाफा ९६ करोड ८९ लाख रुपैयाँ पुगेको छ । गत वर्ष यही अवधिसम्म बैंकको संचालन मुनाफा ७० करोड ७४ लाख रुपैयाँ रहेको थियो । यता बैंकको खुद ब्याज आम्दानी ९.६४ प्रतिशतले बढेको छ । गत वर्ष यही अवधिसम्म १ अर्ब २३ करोड खुद आम्दानी रहेको बैंकले यो अवधिमा सो ब्याज आम्दानी बढाएर १ अर्ब ३५ करोड रुपैयाँ पुर्याउन सफल भएको छ।
प्रकाशित विवरण अनुसार समीक्षा अवधिसम्म बैंकले ५९ अर्ब २० करोड रुपैयाँ निक्षेप संकलन गरी ५० अर्ब २९ करोड रुपैयाँ कर्जा प्रवाह गरेको छ । गत वर्ष यही अवधिसम्म बैंकले ४२ अर्ब ४३ करोड रुपैयाँ निक्षेप संकलन ३४ अर्ब ८६ करोड रुपैयाँ कर्जा प्रवाह गरेको थियो ।
यता बैंकको रिजर्भको आकार ७०.७५ प्रतिशतले बढेर १ अर्ब ४३ करोड रुपैयाँको भएको छ । गत वर्ष रिजर्भमा ८३ करोड ७९ लाख रुपैयाँ रहेको थियो। बैंककोनिष्क्रिय कर्जा ०.५८ प्रतिशत छ भने वार्षिकीकृत प्रतिसेयर आम्दानी (ईपीएस) २४.६० रुपैयाँ रहेको छ । यता बैंकको मूल्य आम्दानी अनुपात (पीई रेसियो) १४.१४ गुणा रहेको बैंकको प्रतिसेयर नेटवर्थ १३८.९२ रुपैयाँ रहेको छ।
