• अर्थ सरोकार सम्बाददाता 

काठमाडौं । आइएमई जनरल इन्स्योरेन्सको २३औं साधारणसभा वैशाख १२ गते हुने भएको छ । कम्पनीले बोनसपछि हकप्रद सेयर निष्कासन गर्ने प्रस्तावसहित सभा वैशाख १२ गते केन्द्रीय कार्यालय नक्सालमा बिहान १० बजे हुने भएको हो ।  

सभाले सञ्चालक समितिले प्रस्ताव गरेको ७% बोनस सेयर र कर तिर्न ०.३७% नगद लाभांश दिने विशेष प्रस्ताव पारित गर्नेछ । उक्त बोनस सेयर वितरण गरेपछि कायम चुक्ता पुँजीको ४०% हकप्रद निष्कासन गर्ने प्रस्ताव पनि पारित गर्ने एजेन्डा रहेको छ । 

यस्तै कम्पनीले सेयर संरचना पनि परिवर्तन गर्ने प्रस्ताव गरेको छ । सभाले कम्पनीको स्वतन्त्र सञ्चालकको रुपमा कृष्ण प्रसाद शर्मालाई नियुक्त गरिएको निणर्यलाई अनुमोदन गर्नेछ । सभाका लागि कम्पनीले २०७८ वैशाख २ गतेदेखि वैशाख १२ गतेसम्म बुक क्लोज गर्ने भएको छ ।