- अर्थ सरोकार सम्बाददाता
काठमाडौं । किसान लघुवित्त वित्तीय संस्थाले एफपीओ जारी गर्ने भएको छ । कम्पनीले १२ लाख ९८ हजार २५९.४९ कित्ता एफपीओ जारी गर्ने भएको हो ।
कम्पनीले एफपीओ बिक्री प्रबन्धकमा मुक्तिनाथ क्यापिटललाई नियुक्त गरेको छ । किसान र मुक्तिनाथबीच निष्कासन तथा बिक्री प्रबन्धकको जिम्मेवारीका लागि बुधबार सम्झौता भएको हो ।
कम्पनीले प्रतिकित्ता १०० रुपैयाँ अंकित मूल्यमा नेपाल धितोपत्र बोर्डले स्वीकृति दिने प्रिमियम मूल्य थप गरी एफपीओ जारी गर्न लागेको हो । यद्यपि कम्पनीले एफपीओ जारीका लागि बोर्डसँग अनुमति भने माग्न बाँकी नै रहेको छ ।
