• अर्थ सरोकार सम्बाददाता

काठमाडौं । कुमारी बैंक लिमिटेडले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ । बैंकले कोरोना महामारीकाबीचमा पनि खुद नाफा ७५.५८% वृद्धि गरी १ अर्ब ८० रुपैयाँ भन्दा बढी कमाएको वित्तीय विवरण सार्वजनिक गरेको हो । बैंकले यो त्रैमाससम्म आइपुग्दा अधिकांश सूचकमा सुधार गरेको छ ।

सार्वजनिक वित्तीय विवरण अनुसार बैंकले १ खर्ब १६ अर्ब ५४ करोड रुपैयाँ निक्षेप संकलन गरी १ खर्ब १० अर्ब ७१ करोडरुपैयाँ कर्जा प्रवाह गरेको छ । यस्तै वितरण योग्य नाफा पनि १ अर्ब नजिक रहेको छ भने प्रतिसेयर आम्दानी पनि ३ रुपैयाँ २४ पैसाले बढेर १७ रुपैयाँ ३७ पैसा पुगेको छ ।

बैंक चैतसम्ममा ९ अर्ब ४९ करोड ३१ लाख रुपैयाँ ब्याज आम्दानी गरेको छ । सञ्चित कोषमा ३ अर्ब ८० करोड रुपैयाँ रहेको बैंकले जनाएको छ ।