• अर्थ सरोकार सम्बाददाता 

काठमाडौँ । काठमाडौँ उपत्यकामा १६ गते राति १२ बजेबाट लागु हुने गरी निषेधाज्ञा जारी हुने भएको छ । सोमबार काठमाडौँ उपत्यकाका तीन वटै जिल्लाका प्रमुख जिल्ला अधिकारीले उपत्यका भित्र निषेधाज्ञा लगाउन सरकारलाई सिफारिस गरेको हुन् । 

उपत्यका छाडेर घर जान चाहनेका लागि दुई दिनको समय १५ र १६ गते समय दिइएको छ । जिल्ला प्रशासन कार्यालय काठमाडौँका प्रमुख जिल्ला अधिकारी (सीडीओ) कालीप्रसाद पराजुलीले कोभिड सङ्क्रमणको स्थिति गम्भीर देखिएकोले कम्तीमा एक हप्ता निषेधाज्ञा अथवा लकडाउन हुने र त्योभन्दा अगाडि दुई दिनको समय उपत्यका छाडेर घर जान चाहनेका लागि दिइने बताए ।

यस्तै कुनै एक क्षेत्रलाई मात्रै बन्द गर्दा पनि सङ्क्रमणको अवस्थालाई ब्रेक गर्न नसकिने भएकाले सम्पूर्ण क्षेत्रलाई पूर्णरूपमा बन्द गराउन निषेधाज्ञा लगाउने निर्णय भएको सीडीओ पराजुलीले बताए ।