">
- सुदर्शन श्रेष्ठ/अर्थ सरोकार सुदूरपश्चिम ब्युरो
धनगढी । प्रदेश सरकारको लागानीमा सञ्चालन भईरहेको योजनामा करोडौँको ‘घोटाला’ भएको पाइएको छ । सुदूरपश्चिम प्रदेशको अस्थायी राजधानी धनगढीमा प्रदेश सरकारको २० लाखको लागतमा सञ्चालन भईरहेको योजनामा अनियमितता भएको पाइएको हो ।
धनगढी उपमहानगरपालिका वडा नम्बर १४ ‘सि गाउँ’मा प्रदेश सरकारको २० लाखको लगानीमा १०० मिटर सडक स्तरोन्नतिको काम भईरहेको छ । उक्त योजनामा १०० मिटर लम्बाई र ९ मिटर चौडाई सडक पिच हुनुपर्ने हो । तर ८ मिटर चौडाई सडकलाई मात्रै पिच गर्ने गरिँदै छ ।
उक्त वडा अर्थात वडा नम्बर १४ का वडा अध्यक्ष रामबजारी थारुले उक्त योजनामा १०० मिटर लम्बाई र ९ मिटर चौडाई भएको सडक नै पिच गर्ने काम भइरहेको बताए । ‘स्तरोन्नतिको काममा लापरवाही भएकै छ ।’
सडकमा हालिनुपर्ने जति ग्राबेलको प्रयोग गरिएको छैन भने नालामा चिनाईका क्रममा पनि कमसल खालको सामाग्री प्रयोग गरेको पाइएको छ । निर्माणमा प्रयोग भएका सामानहरु कमसल भएको प्रमाण हुँदाहुँदै पनि उक्त सडक स्तरोन्नतिको ठेक्का पाएको मष्टा बिल्डर्स कम्पनिका ठेकेदार अरुण क्षेत्री आफुहरुबाट गल्ती भएको स्विकार गर्न तयार भएनन् । बरु उक्त लापरवाहीबाट आफुले पन्छिने प्रयास गरे ।
‘मेरो अरु काममा यस्तो लापरवाही भएको छैन, यहाँ कसरी भयो थाहा भएन, म पनि भर्खरै आएको हुँ, थप विषयमा बुझ्दै छु ।’ उनले भने ।
यस बारेमा विस्तृत भिडियो सामाग्री केही दिनमा सार्वजनिक हुनेछ ।
