- अर्थ सरोकार सम्बाददाता
काठमाडौँ । जिउँदो कुखुराको मूल्य ह्वात्तै बढेको छ । जिउँदो कुखुराको आपूर्ति घट्दा मूल्य ह्वात्तै बढेको हो । अहिले बजारमा जिउँदो कुखुराको मूल्य प्रतिकेजी ३०० रुपैयाँ पुगेको छ। जुन अहिलेसम्मकै उच्च भाउ हो ।
दुई साताअघि जिउँदो कुखुराको मूल्य प्रतिकेजी २७० रहेको थियो तर पछिल्लो समय जिउँदो कुखुरामा रानीखेत रोग रहेकाले आपूर्ति घटेको र माग उच्च भएको व्यवसायीहरु बताउँछन् । कुखुरा व्यवसायी यस्तै अवस्था रहे मासुको मूल्य अझै बढ्न सक्ने पनि बताउँछन् ।
यता राष्ट्रिय कुखुरा बिक्री व्यवसायी संघले तयारी मासुको मूल्य प्रतिकेजी ४१५ रुपैयाँ तोके पनि पसल अनुसार फरक फरक मूल्य रहेको छ । व्यवसायीले मासुको मूल्य प्रतिकेजी ४३० सम्म बिक्री गरेको पाइएको छ ।
