• अर्थ सरोकार सम्बाददाता 

काठमाडौं । नबिल बैंकले आफ्नो स्वामित्वमा रहेको संस्थापक सेयर बिक्री गर्ने भएको छ । बैंकले आफ्नो स्वामित्वमा रहेको स्वाबलम्बन लघुवित्त वित्तीय संस्थाको १ लाख ९० हजार ६५३ कित्ता  संस्थापक सेयर बिक्री गर्ने भएको हो । कम्पनीको सो सेयरमा लगानीकर्ताले न्यूनतम ८०३ रुपैयाँ भाउ राखेर आवेदन दिन सक्नेछन् भने संस्थापक सेयरधनीले मात्र आवेदन दिन पाउनेछन् । संस्थापकखरिद नगरेको खण्डमा कम्पनीले दोस्रो चरणमा सर्वसाधारण व्यक्ति तथा संस्थाले किन्न पाउने गरी अर्को सूचना आव्हान गर्नेछ ।